12 պատգամաւորներու ներկայութեան քուէի դրուելով, բանաձեւը Ց-ի դէմ 3 քուէ ստանալով՝ մերժուեցաւ:
Նիստը փակուեցաւ ժամը 6 1/2-ին:
ՀԱԱ, ֆ. -430, ց. 1. գ. 67, թթ. 64-81: Ձեռագիր: Բնագիր:
Նիստ Լ
9 Յուլիս 1920, ժամը 4-ին
նախագահութեամբ Գաբրիէլ էֆ. Նորատունկեանի:
Ներկայ էին 10 պատգամատր՝
Եղիշէ Արքեպ. Դուրեան, Պ. Պ. Դաւիթ-Բէկ, Ա. Թէրզիպաշեան, Վ. Թէքէեան, ԳՆորատունկեան, Ռ. Որբերեան, Ա. Չօպանեան, Գ. Սինապեան, Մ. Տէրպէտերեան, Ն.ՏԷր-Ստեփանեան:
Օրակարգ
1. Վերակազմութիւն Ազգ. Պատուիրակութեան:
2. Հարցում Պ. Վահան Թէքէեանի Ամերիկայի մէջ հոգատարութեան խնդրին
նկատմամբ եղած յայտարարութեան մասին
ԱՏԵՆԱԿԱՆ ԳՈՐԾՈՂՈՒԹԻՒՆՆԵՐ
1. Ընթերցում ատենագրութեան
Կարդացուեցաւ եւ վաւերացուեցաւ Յալիս 5-ի նիստին ատենագրութիւնը:
Օրակարգ
1. Վերակազմութիւն Ազգ. Պատուիրակութեան
Կարդացուեցաւ Պ. Ն. Տէր-Ստեփանեանի հետեւեալ առաջարկութիւնը Կիլիկիոյ Բժշկական Առաքելութեան մասին.
«Համագումարը, նկատելով որ Կիլիկիոյ Բժշկական Առաքելութիւնը կազմելու եւ վարելու համար Ազգ. Պատուիրակութեան կողմէ նշանակուած յանձնախումբը անկարող եղած է գործը դնելու կանոնաւոր հիման վրայ, կորոշէ, որ այդ Առաքելութեան ղեկավարութիւնն ու վարչութիւնը ամբողջովին եւ անմիջապէս յանձնուին Պատրիարքարանին:
ախումբի տեղեկագրին ընթերցման միջոցին հարցում ըրի, թէ Կիլիկիոյ Բժշկական Առաքելութեան անդամները կը շարունակե՛ն իրենց պաշտօնը: Պատասխանուեցաւ, թէ կը շարունակեն: Բայց անկէ ի վեր նոր տեղեկութիւններ հասան, եւ այսօր գարմացմամբ կը լսենք, որ անոնք մեծ մասամբ մեկներ են Կիլիկիայէն: Տոքթ. Տամլամանեան, որ Առաքելութեան կարողագոյն անդամը կը նկատուէր, հոն չէ. ուրիշներ Եւրոպա դարձած են: Ղրկուած հիւանդապահուհիներու կարողագոյններն ալ մեկներ են նոյնպէս:
Նորատունկեան էֆենտի. Ես ալ տեսայ անոնցմէ երկուքը, որոնք կարծեմ Սիլեան ընտանիքին կը պատկանին, երկուքն ալ շատ լաւ բաներ չըսին Առաքելութեան արդի վիճակին մասին:
