Թեր ա դէմ կարճատել կարծիքներու փոխանակութենէ մը վերջ, Համագումարը համամիտ չգտնուեցաւ Պ. Չօպանեանի այս առաջարկութեան, եւ անհետեւանք թողաց զայն:
Կարդացուեցաւ Պ. U. Թէրզիպաշեանի հետեւեալ բանաձեւը, զոր կ՚առաջարկէր քուէի ենթարկել Տիրէքթիւներու Սահմանման Յանձնաժողովին 9-րդ առաջարկութեան տեղ, որ նախորդ նիստին 5 քուէ միայն ստացած ըլլալով, իբր «յանձնարարութիւն» պիտի մատուցուէր Ազգ. Պատուիրակութեան.
«Պատոփրակութիւնը պէտք է իր առաջին գործերէն մէկը ընէ դիմել Հայաստանի կառավարութեան, առաջարկելով անոր անմիջապէս ստեղծել միացեալ բազմատարր կառավարութիւն Պ. Խատիսեանի վերջին առաջարկին համաձայն: Այս դիմումին մերժման պարագային, եթէ ստորագրուելիք դաշնագիրը նուազագոյն գոհացում տայ արեւմտահայերուն, Պատուիրակութիւնը պարտաւոր է նոր Համագումարի մը ընտրութեան նախաձեռնութիւնը առնել եւ անոր որոշման ենթարկել արեւմտահայերու մասնաւոր իրաւանց պաշտպանութեան գործը»:
Տասը պատգամաւորներու ներկայութեան քուէի դրուելով, այս առաջարկութիւնը ընդունուեցաւ միաձայնութեամբ:
Պ. Տէրպէտէրեան յայտարարեց, թէ կը քուէարկէ առաջարկութիւնը, բայց կը փափաքի, որ արծանագրուի, թէ համաձայն չէ անոր երկրորդ մասին:
Համագումարը որոշեց նաեւ, որ իր թէ՛ նախորդ եւ թէ՛ այս երկրորդ նստաշրջանին ատենագրութիւնները պէտք է պատրաստոփն երկուքական օրինակ մէկ օրինակը' Հայկական կառավարութեան ել միւս օրինակն ալ Պոլսոյ Ազգ. Պատրիարքարանին տրուելու համար:
Նախագահ Գաբրիէլ էֆենտի Նորատունկեան դիտել տուաւ, թէ նախորդ նստաշրջանի ատենագրութիւնները պէտք ունին կարգ մը լեզուական եւ ձեւական սրբագրութեանց, եւ յայտնեց, որ Դիւանը յօժար է կատարելու այդ սրբագրութիւնները:
Համագումարը համամիտ գտնուեցաւ:
Պ. Չօպանեան առաջարկեց, որ ներկայ նստաշրջանին ատենագրութիւնները, որոնք խղճամիտ հարագատութեամբ մը պատրաստուեցան Պ. Արամ Անտոնեանի կողմէ, անփոփոխ մնան այնպէս ինչպէս կարղացուեցան եւ վաւերացուեցան:
Համագումարը համամիտ գտնուեցաւ նաեւ այս առաջարկութեան:
Նիստը փակուեցաւ ժամը 7-ին:
ՀԱԱ, ֆ. -430, ց. 1, գ. 68, թթ. 1-8: Ձեռագիր: Բնագիր:
Նիստ ԼԱ
/փակման նիստ/
13 Յուլիս 1920, ժամը 4-ին
նախագահութեամբ Գաբրիէլ էֆ. Նորատունկեանի:
Ներկայ էին 13 պատգամաւորներ՝
Եղիշէ Արքեպ. Դուրեան, Պ. Պ. Դաւիթ-Բէկ, Ա. Թէրզիպաշեան, Վ. Թէքէեան, Ա. Հանըմեան, Տոքթ. Նեւրուզ, Գ. Նորատունկեան, Պօղոս Փաշա Նուպար, Ռ. Օրբերեան, Ա. Չօպանեան, Գ. Սինապեան, Մ. Տէրպէտէրեան, Ն. Տէր-Ստեփանեան:
Օրակարգ
1. Վերակազմութիւն Ազգ. Պատուիրակութեան
2. Հարցում Պ. Վահան Թէքէեանի Ամերիկայի մէջ հոգատարութեան
