Թույլ տվեք նույնպես ասել, որ փոքր ինչ չափազանցրած են դիվանիդ նամակի մեջ այն խոսքերը, թե «Նորին Օծությունը Բյուրոյի գործերից ավելի քան անտեդյակ է և չգիւոե, թե ինչ է կատարվում այնտեղ»:
Իհարկե, Ազգային բյուրոն հնարավորություն չի ունեցել շատ հաճախ կանոնավոր զեկուցումներ ուղարկել Նորին Վեհափառությանը, բայց և այնպես մինչև 1915 թվի դեկտեմբեր ամիսը (երբ գրված է Բյուրոյի նամակը Ամերիկա) բավական հաճախ եկած են էջմիածին Բյուրոյի պատգամավորներ և բերանացի զեկուցել են Բյուրոյի գործերի մասին, մի քանի անգամ Բյուրոն գրավոր զեկուցումներ է ուղարկել Վեհին, և երկու անգամ էլ ինքը Բյուրոն ամբողջ կազմով Թիֆլիսում ներկայացել է Նորին Վեհափառությանը և իր նախագահի բերանով զեկուցել է ընթացիկ գործերի մասին:
Ընդունում ենք, որ Բյուրոյի գործունեության մանրամասնությունները կարող էին ծանոթ չլինել Նորին Վեհափառությանը, բայց Բյուրոն գտնում է, որ պետք էլ չէր Նորին Օծության ուշադրությունը ծանրաբեռնել զանազան մանր՜մունր ընթացիկ գործերով:
Բավականանալով այսքանով, Ազգային բյուրոն նորից խնդրում է պատկառելի դիվանիդ զեկուցանել այս բոլորը Նորին Օծությանը, և Բյուրոն լիահույս է, որ Նորին Օծությունը ներողամիտ կգտնվի, եթե Ամերիկայի կոմիտեի անտակտության պատճառով Բյուրոյիս նամակի մի կտորի հրատարակությունը փոքր ինչ վշտացրել է նրան, և միևնույն ժամանակ նա կհարգի Բյուրոյիս խոնարհ խնդիրը և նյութական խոշոր օգնությամբ կթեթևացնի Բյուրոյի և նրա հետ միաժամանակ թշվառ կամավորների և նրանց ընտանիքների ծանր դրությունը:
Խնդրում ենք ընդունեք մեր ամենախորին հարգանքները:
Փոխնախագահ Ազգային բյուրոյի — Ալ. Խատիսյան
Անդամ-քարտաղար — Հակ. Քոչարյան
ՀԱԱ, Ֆ.57, ց.5, գ.56, թթ.49-53 (հակ.): Բնագիր: Ձեռագիր:
N 118
ԱՄՓՈՓ ՏՎՅԱԼՆԵՐ 1915-191600. ԱՄԵՐԻԿԱՀԱՅ ԳԱՂՈՒԹԻՑ ԿԱՄԱՎՈՐԱԿԱՆ
ԽՄԲԵՐԻ ԿԱՐԻՔՆԵՐ ՀԱՄԱՐ ԱՌԱՔՎԱԾ ԳՈՒՄԱՐՆԵՐԻ ՎԵՐԱԲԵՐՅԱԼ
1915թ. 4 փետրվարի | 1500 դոլար |
... 18 | 1500 ... |
... 4 մարտի | 5000 ... |
... 15 | 1300 ... |
... 7 ապրիլի | 2500 ... |
... 27 հուլիսի | 5000 ... |
... 11 սեպտեմբերի | 2500 ... |
1916թ. 19 հունվարի | 1500 ... |
... 10 հուլիսի | 5000 ... |
Լիազոր ներկայացուցիչ Ար. գործ, հանձնախմբի Օհան Գասպարյանց
ՀԱԱ, Ֆ.57, ց.5, գ.168, թ.51: Բնագիր: Ձեռագիր: