ՎԻԿՏՈՐ Բայց ո՞րն է ձեր օրինակի իմաստը:
ՊԱՎԼԻՆ Սպասեց ե՛ք .. Ի՞նչ բան է: Աղմուկ, իրարանցում տան ինչ-որ մասում:
ԱԼԵՔՍԵՅ Դա խոհանոցում է. Ինչ֊որ մեկը եկել է:
ՊԱՎԼԻՆ (անհանգստացել է) Այ, տեսնո՞ւմ եք— ներս են թափվում։
Վիկտորը հանգիստ է
ԴՈՍՏԻԳԱԵՎ (որդուն) Գնա տես՝ ո՞վ է այնտեղ:
ՊԱՎԼԻՆ Ես ասում եմ— ամեն ինչ կարելի է սպասել:
ԴՈՍՏԻԳԱԵՎ Հյուրերի համար ուշ չէ՛:
ՊԱՎԼԻՆ Ո՞վ է հիմա հյուր գնում: Օ՜, աստվա՜ծ իմ։ Իզո՜ւր թողեցիր դու մեզ...
ԵԼԻԶԱՎԵՏԱ (ներս է վազում, կիսաձայն, տագնապոտ) Վա՛սյա, երևակայի՛ր, Պարֆիրի Պետրովիչը և— Գո՛ւբինը։
ԴՈՍՏԻԳԱԵՎ (զարմացած) Գուբինը:
ԵԼԻԶԱՎԵՏԱ Այո՛, այո՛:
ՊԱՎԼԻՆ Թույլ տվեք հեռանալ, քանզի խելահեղություն եմ համարում հանդիպման ռիսկը.
ԴՈՍՏԻԳԱԵՎ Սպասի՛ր, թույլ տուր կշռադատել ..
ԵԼԻԶԱՎԵՏԱ Ներս ընկավ փղի նման:
ՊԱՎԼԻն Եվ, իհարկե, հարբած՝: Ո՛չ, ես, լավ է...
ԴՈՍՏԻԳԱԵՎ Դո՛ւ, Պավլին Սավելև, նստիր, չի խժռի նա քե՛զ: Չէ՛, դու մնա..
