Բեդասլին վուր խոսեցընիս, լալ անիլըն ինչի՞ն է շահ.
Ռանգըն վուր սևադեն նընգնի՝ ալ անիլըն ինչի՞ն է շահ.
Մարթ վուր քու խոսկով միռանի՝ գալ անիլըն ինչի՞ն է շահ.
Պատանքին մե՛ ռանգն է հերիք՝ չալ անիլըն ինչի՞ն է շահ:
5
Մարթ պիտի թանգ հախ տա, առնե խոսկիրըն փիր֊ուստադեմեն.
Ռանգըն ռանգերուն ծածկում է, հուջրեքըն լիքն է սադեմեն.
Թեգուզ զար-զարբաբ հաքցընիս, վուր չըլի ասըլզադեմեն...
Սիվ արաբի ճակտի վըրա խալ անիլըն ինչի՞ն է շահ:
10
Լավ մարթն էն է՝ սիրով անե բարի հրիշտակնիրու կամքըն.
Իմաստուննի՛րն էլ չըտեսան էս աշխարի հուտն ու համքըն.
Չուրս գըլխանի ռաշի վըրեն աջալըն դըրիլ է թամքըն.
Աշխարըս միզ մընալու չէ՝ մալ անիլըն ինչի՞ն է շահ:
Մեր ու մանուկ բաժանվեցան, մանուկն է՛նդուր ունի լալու.
Սատանեն մե դամբ է դըրի՝ Աթամի զաթըն վուրսալու. 15
Շատըն սատանեն է տանում՝ վիրչըն մընում է վա՜յ տալու.
Վուր չէ Ուռնիյելի նըման՝ կալ անիլըն ինչի՞ն է շահ:
Շուռ էըիտ չարխի֊փալագըն դովլաթըն միզնից խըռով ա.
Ում հաքին հին շալ ին տեսնում, էլ չին ասում, թե էս ո՞վ ա․
Յարովըտ մեկ մըհլամ չունիս, էնդուր գուլաս, Սա՛յաթ-Նովա. 20
Ջարեքըն դիղըտ չին գիդի՝ փալ անիլըն ինչի՞ն է շահ:
