Էջ:Վահան Թոթովենց, Ամերիկա.djvu/265

Վիքիդարանից՝ ազատ գրադարանից
Jump to navigation Jump to search
Այս էջը հաստատված է


Պարտություն փիլիսոփայական ֆրոնտում

Ամառվա արձակուրդին անգործ էի և պաշտոն էի փնտրում:

--Մեռելաթաղի գրասենյակում միշտ էլ գործ կլինի,-- ասաց ընկերս,-- թերթն աչքի անցրու և կգտնես:

Առավոտյան կանուխ գնեցի մի թերթ և «ուզվում է»բաժնում կարդացի՝ «Ուզվում է մի պաշտոնյա մեռելաթաղի գրասենյակի համար, երեկոյան ժամը 8-ից մինչև 11, միայն պետք է պատասխանի հեռախոսին»:

Դիմացի և ստացա պաշտոնը: Անակնկալ եղավ առաջարկված շաբաթականը՝ 25 դոլլար: Ամբողջ օրն աշխատողները հազիվ շաբաթը 15 դոլլար էին ստանում:

Այդ իրիկունն իսկ գործի անցա: Հետո տարի Դանթեի Հատորները և սկսեցի կարդալ և ուսումնասիրել:

Գործս լավ էր գնում: Հեռախոսի զանգն ամբողջ երեք օր չզանգահարեց, և ես խորասուզվեցի Դանտեի ուսումնասիրության մեջ, անտառի ծակից մտա և դուրս եկա մինչև Բեատրիչեի ներկայության, երկնային լույսերի ծովում:

Գործն սկսելու երկրորդ օրը եղբայրս ինձ հանդիպեց և հարցրեց.

--Ուր ես ծառայում:

--Մեռելաթաղի գրասենյակում:

--Ուրիշ գործ չկարողացար գտնել:

--Ուրիշ գործ չեմ էլ ուզում,-- պատասխանեցի,-- դու