նը։ Ուղարկել ռուսներ՝ Ռուսաստանում զորք կազմակերպելու ընդդեմ Ադրբեջանի։ Հնարավոր չափով ժողովրդին զինելը տանել և կռվել ջարդարարների դեմ։ Առանձին կառավարություն հարկավոր չէ, պետք է ընդունել սովետական իշխանություն և կազմակերպել նույնը գավառներում։
Մ. Արզումանյան. Վրացիների անկախությունը պետք է ողջունել։ Վրաստանում ահագին հարևանություն[1] կա, թողեք որ բարեկամաբար ապրեն։ Անկախության է ձգտում ամեն ոք։ Քանի որ վրացիները հասած են համարում իրենց իդեալին, պետք է անպատճառ ողջունել. մի տաք, բարեկամական խոսք ասել մեր բարի հարևանի համար, որ դեռ շատ պետք կարող է գալ։ Ինչ վերաբերում է Ռուսաստանի հետ ունենալիք կապին, իհարկե, ինքը ոչինչ չունի, բայց չի հավատում նրա շուտ գալուն։
Սիր. Տիգրանյան. Խորհրդավոր լռություն պահելն անընդունելի
է՝ բացասական հետևանքներ կունենա տեղական և գաղթական հայության
համար։ Քանի որ Անդրկովկասյան միությունը չկա, պետք է
ընդունել այդ փաստն առանց ի նկատի ունենալու, թե մեզ վնաս է, թե՝
ոչ։ Պետք է անկեղծորեն մեր կարծիքը հայտնենք, որ մենք, թեև կողմնակից
ենք միությանը, բայց երբ մի ժողովուրդ կարծում է, թե բաժան¬
վելով կարող է լավ կյանք ունենալ, ոչինչ չունեն, բացի ողջույնից։ Իսկ
հայկական գավառների համար ունենալ մի վարչություն՝ կապ պահպանելով թուրքերի հետ։
Ա. Երզնկյանը և Խ. Կարճիկյանը հայտնում են, որ թուրքերը
ֆրակցիայի ժողով ունեին, չկարողացան այսօր <նրանց> տեսնել։
Վաղն անպատճառ տեսակցություն կունենան։
Ռ. Տեր-Մինասյան. Վրաց անկախությանը մեզ չպետք է
տանջի։ Իհարկե, դա նրանց չի փրկի, բայց մեր գործը չէ։ Մեր վերաբերմունքը պիտի լինի կոռեկտ։ Ահագին հայություն է պատսպարված
այստեղ, չի կարելի հաշվի չառնել այդ հանգամանքը։ Նույն վերաբերմունքն ունենալ նաև դեպի Ադրբեջանը՝ չենք կարող նորից պայթեցնել։
Իսկ մենք տեղ չենք ունենա կառավարության կազմելու, եթե Տաճկաս–
- ↑ Բնագրում այդպես է. պետք է լինի՝ «հայություն»։
