— Թո՛ղ տուր, աղբար։
— Խպնելու բան չկա ասոր մեջ, Տիմոթեոս աղա, ամեն մարդու գլխեն անցած է, մարդս յուր առողջությանը համար չնչին բաներու կարևորություն տալու չէ։ Եթե կ՝ուզես անդիի սենյակը երթանք։
— Սա սենյակն ի՞նչ ունի։
— Ինչպես կուզեք նե։ Պառկեցեք ուրեմն սանկ քովընտի, ձա՞խ թե աջ թևիդ վրա պիտի պառկիս։
— Ինչո՞ւ պառկիմ, աղբար։
— Շատ լավ, անանկ ե նե աթոռս բերեմ։
— Միտքդ ի՞նչ է, աղբար։
— Միտքս չիյտե՞ս կոր, տզրուկ պիտի փակցնեմ։
— Ի՞նչ իրավամբ։
— Իրավունքի բան չկա, դուն խաբար ղրկեր էիր։
— Ամենևին։
— Գաբրիել աղան սուտ չպիտի խոսի յա։
— Ո՞ր Գաբրիել աղան։
— Մեր Գաբրիել աղան իշտե։
— Բանդ գնա, աղբար, առտվանցով, քեզի խաբեր են այոլ, այսօր ապրիլին մեկն է։
Մարգար աղան կաս կարմիր կը կտրի, հազար ներողություն կը խնդրե Տիմոթեոս աղայեն և կը դառնա խանութն, ուր կը գտնե Գաբրել աղան, որ խնդալեն կը ճաթեր։
— Սանկ կատակ կըլլա՞ մի յա, կը հարցնե Մարգար աղան, սրվակ մը տզրուկ ի ձեռին, և կը ղրկե աշակերտն պատի օրացույց մը գնելու։
ԱՆՀԱՏԱԿԱՆ ԿԱՐԾԻՔ, ՊԱՇՏՈՆԱԿԱՆ ԿԱՐԾԻՔ, ՈՏԱՆԱՎՈՐ
ԿԱՐԾԻՔ, ԱՐՁԱԿ ԿԱՐԾԻՔ, ԲԵՐԱՆԱՑԻ ԿԱՐԾԻՔ,
ԳՐԱՎՈՐ ԿԱՐԾԻՔ
Բացատրելու համար, թե ի՛նչ է պատճառ, որ շատ անգամ ամենապարզ խնդրո մը մեջ իսկ իրարու միտք չենք հասկնար, բավական է ամենապարզ խնդիր մը ստեղծել և անոր վրա կարծիքներ հավաքել։
Ենթադրենք ուրեմն, որ մարդուն մեկն ի ներկայության երեք անձանց ապտակ հանած ըլլա քեզի և դուն ալ դատդ այդ երեք անձանց հանձնես։ Այդ երեք անձերն ի նիստ կը գումարին, կը
