Այս էջը սրբագրված է
ՀՈՎՍԵՓ
Ահ, եթե գտնայի սա անիծյալը:
ՏՐԳՐԱՆ
[1]Բայց ո՞վ է այս անիծյալը:
ՀՈՎՍԵՓ
Բռնվելու ըլլա նե՝ կը տեսնաք, բայց չեմ ուզեր, որ դուք հոս կենաք, չեմ ուզեր, որ տունս ոտք կոխեք, դուրս ելիր, վատ, խարդախ։
ՏՐԳՐԱՆ, մեկուսի
Ապուշ[2], Սոֆին իմս պիտի ըլլա (Կերթա):
ՀՈՎՍԵՓ
Ինչ աղեկ բան է նախազգուշությունը, եթե փաստաբանը առաջուց իմաց չտար, սըվոր կեղծավոր խոսքերուն պիտի խաբվեի և բերնես խոսք պիտի փախցնեի. երթամ քիչ մը սենյակս հանգչելու. Գեվորգ, Գեվորգ. (Կուգա) հոս կեցիր, աչքդ դրան վրա ըլլա, մեկը հիմա ուրախ լուր մը պիտի բերե, շուտով [3]իմաց տուր ինձի (Կ’երթա):
ՏԵՍԻԼ է.
ԳԵՎՈՐԳ, վերջը ԱՐՇԱԿ
ԳԵՎՈՐԳ
Ուրախ լուր ըսավ ու գնաց, ես ինչ գիտնամ, ո՞րը տխուր է, ո՞րն ուրախ։
ԱՐՇԱԿ
Օ՜ օ՜ օ՜, ձեր ազնվությունը հոս...
ԳԵՎՈՐԳ
Այո՛, հոս է: