Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/251

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


ԱՆԳՂԻԱ ԵՎ ՌՈԻՍԻԱ
Կատակերգություն մեկ արարով
<78>
ՏԵՍԻԼ Ա

Անգ. — Դու իմին ո՛վ ըլլալս կարծեմ տակավին չես գիտեր կոր։

Ռուս. — Ներեցե՛ք. բա՞ն մը ըրինք, բարկացուցինք ձեզի։

Անգ. — Դեռ ի՞նչ պիտի ընես, քրիստոնեից վիճակը պիտի բարվոքեմ ըսելով՝ չըլլալիք բաները կ՝ընես կոր։

Ռուս. — Ձեզի բան մը կընե՞մ կոր յավրուս:

Անգ. — Չէ՞ մի որ իմ բարեկամիս կ՝ընես կոր։

Ռուս. — Ես ալ քու բարեկամդ չե՞մ մի, թող տուր երկու բարեկամներդ իրարու հետ քիչ մը կռվին։

Անգ. — Ո՛չ. ոչ. ոչ. սա աղեկ գիտցիր որ եթե պատերազմը անհրաժեշտ ըլլա, ամենեն առաջ ես պիտի նետվիմ, ինձի չափ ոչ ոք պատրաստված է, և սուրս ի պատյան չպիտի դարձունեմ մինչև որ արգարությունը յուր տեղը չգտնա։

Ռուս. — Կուկո՜ւկ...


ՏԵՍԻԼ Բ

Ռուս. — Ներեցե՛ք. այսօր գլուխնիդ ցավցունեմ պիտի քիչ մը:

Անգ. — Ի՞նչ կա։

Ռուս. — Բրոթոքոլի պես բան մը։

Անգ. — Ի՞նչ ընեմ այդ բրոթոքոլը։

Ռուս. — Ստորագրե, էֆենտիմ։

Անգ. — Ստորագրե՛մ մի, Աստված չընե։

Ռուս. — Ստորագրե՛, ստորագրե՛։

Անգ. — <ըլլալու> բան չէ, ստորագրելուս պես պատերազմ պիտի հրատարակես։

Ռուս. — Կսպասեմ, շուտ ըրեք, գործ ունիմ, պիտի երթամ, ստորագրեցեք:

Անգ. — Անկարելի է։