Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/252

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Ռուս. — Կարելի է. եթե չստորագրեք՝ պատերազմ պիտի հրատարակվի։

Անգ. — Ի՞նչ կըսեք։

Ռուս. — Այո։

Անգ. — Անանկ է նե բեր ստորագրեմ, ես չեմ ուզեր պատերազմի պատճառ ըլլալ. բայց սա պայմանավ կստորագրեմ որ, եթե պատերազմ ըլլա ստորագրությունս առ ոչինչ դրվի։

Ռուս. — Բավական է որ ստորագրեք, ինչ պայմանավ ուզե թող ըլլա։

Անգ.— Բեր ստորագրեմ։

Ռուս. — Շնորհակալ եմ բարեկամ:

Անգ. — Թուրքիո ամբողջությունը պիտի պաշտպանեմ ես։


ՏԵՍԻԼ Գ

Անգ. — Տե՛ս ամչնար, չե՛ս խպնիր, ի՞նչ է աս քուկին ըրածդ։

Ռուս. — Ի՞նչ ենք ըրեր դարձյալ։

Անգ. — Ի՞նչ պիտի ընես, շրջաբերական մը հաներ ես:

Ռուս. — Ինչ կըլլա եղեր, շրջաբերական մալ դուն հանե՛։

Անգ. — Հանուն Եվրոպիո պատերազմ հրատարակեցի ըսեր ես։

Ռուս. — Անանկ չէ՞ մի յա։

Անդ. — Ես կը բողոքեմ անոր դեմ։

Ռուս. — Կրնաս բողոքել, ո՞վ ըսավ քեզի թե Անգղիան Եվրոպան կը ներկայացնե։

Անգ. — Կը բողոքեմ, բողոքելով կը բողոքեմ, և կը տեսնես թե ի՞նչ պիտի բերեմ քուկին զլխուդ, անիրավ քեզի, թշվառական...

Ռուս. — Ի՞նչ պիտի ընես:

Անգ. — Զորքերս կը ժողվեմ կոր, այսօր կամ վաղը վրադ պիտի հարձակիմ։

Ռուս. — Շնորհակալ եմ, բարեկամ։

Անգ. — Չարաճճի՞ քեզի: