Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/325

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


Հինգշաբթի ավուր Մասիսի մեջ կը կարդանք.


«...Պարոն Մ. Նաթանյան աշակերտներուն անհավատություն դաս տալու փորձեր կընե և Վանա ողջամիտ մասն և ամբողջ ժողովուրդը ասոր դեմ վերջին աստիճան հուզված կամ զայն և կամ վարժապետանոցը կործանելու կաշխատին»։


Կը փափագինք որ հոս ալ հեղաշրջման օրենքը գործածված ըլլա։


Հարստահարությանց չափն անցավ։


Եվ մեք հարստահարությանց մասին Տեպայի, Թայժզի, Տեյլի Նիուսի և ուրիշ լրագրաց հրատարակած հոդվածները թարգմանելով թարգմանություն ընելու կը վարժվինք։


Հարստահարելսց ճիչն ու աղաղակը մինչև երկնիր քիթը բարձրացան և երկինք ինչո՞ւ... չեն փռքտար։


Քանի մր շաբաթն ի վեր անլուր չարագործությունք կը հրատարակվին լրագրաց մեջ միշտ հետևյալ նաքարաթով։


Տեղական կառավարությունը անտարբեր է:


Եթե տեղական կառավարությունն անտարբեր է, ինչո՞ւ անտարբեր փաշայի մը, քայմաքամի մը տեղ տարբեր մեկը չեն դներ։


Ո՞վ դնեն։


Անտարբերը հանեն և ով կուզեն թո՛ղ ան դնենք Ժամագործի պատմությունը չգիտե՞ս։


Ատենոք մարդուն մեկը երկու ժամացույց կառնե, ծոցը կը դնե և ժամագործի մը կերթա զանոնք ցցունելու համար։


— Երկու ժամացույց ունիմ ծոցս, երկուքեն ո՛րն առնեմ կըսե և ժամացույցին մեկը ծոցեն կը հանե կը ցցունե։


Ժամագործը ժամացույցը քննելե ետև կըսե.


— Ծոցինդ ա՛ռ։


— Ծոցինս դեռ չտեսար և ինչե՞ն գիտես անոր ասկից աղեկ ըլլալը։


— Որովհետև ասկից գեշը չըլլար կը պատասխանե ժամագործը և գործին կը նայի։