Էջ:Hagop Baronian, Collected works, vol. 4 (Հակոբ Պարոնյան, Երկերի ժողովածու, հատոր 4-րդ).djvu/348

Վիքիդարանից՝ ազատ գրադարանից
Jump to navigation Jump to search
Այս էջը սրբագրված է


— Չենք տար։


— Խոսքերնիս ամփոփենք ու որոշում տանք։


— Այո, ով որ արքայություն երթալ կուզե Հասունյանի դիմելու է և ով որ դժոխք երթալ կը փափագի Ներսես Պատրիարքին։


Ամենքը կը մտմտան վայրկյան մը։


— Անպատճառ կամ արքայություն կամ դժոխք երթալ պե՞տք է։


— Չկրնար ըլլալ որ ոչ արքայություն երթանք ո՛չ ալ դժոխք։


— Ցավով կը տեսնեմ, որ դժոխք երթալն ավելի դժվար է քան արքայություն։


— Արքայությունն ալ կլլվելու բան չէ։


— Ո՞ւր երթանք ուրեմն։


— Հիմակուհիմա տեղերնիս երթանք և քանի մը օրեն նորեն խորհրդակցինք։


— Ատյանր գոցվեցավ։


Դռները կը բացվին։


Քանի որ ձեր ծուխերը դժոխք կերթան, արքայության մեջ ինչ գործ ունիք։


Այսչափ ժամանակե ի վեր է Ժողովուրդը ձեր ետևեն կուգար, քիչ մալ դուք անոր ետևեն գացեք նայինք ի՛նչ կըլլա։


Բարենարոգում ըրե՛ որ կարենաս ապրիլ...


Ահա այս է երկու տարիե ի վեր մեզի ըսված խոսքը։


Անգղիո կը դիմենք և կըսենք.


— Մեր գանձային վիճակը ձեզի բարև կընե ու քիչ մը դրամ կուզե։


Անգղիան մեզի կը պատասխանե.


— Բարենորոգում ըրե՝ որ կարենաս ապրիլ։


Ֆրանսայի կը դիմենք և կաղաչենք որ մեզի օգնե, իսկ անիկա երեսն անդին դարձունելով կը պատասխանե.


— Բարենորոգում ըրե՛ որ կարենաս ապրիլ։