նակավ արտասանված էր, որ կերպով մը կը հայտներ, թե քուրմերն շատ չպիտի վիրավորվեին եթե իրենց հրավերն չընդունելով ժողովեն բացակա գտնվեր Հ... Ս...ն՝ որու հետ և ոչ մեկ ժողովո մեջ անդամակցություն ըրած չէին։
Հ... Ս...ն որ դիվանագիտական և կեղծ ձևերե չախորժիր, ինչպես որ ես ալ չեմ ախորժիր, մերժեց այդ հրավերն և ներկա չգտնվեցավ ժողովույն, ինչպես որ ես ալ ներկա չգտնվեցա։
Ողջամիտ մահկանացուներու խումբ մը, ժողովրդյան ընտիր բազմություն մը, երկու մասի բաժնված աստվածներու արբանյակներն ներկա էին այս ժողովույն։
Ատյանը բացվեցավ և քանի մը ատենական գործողություններ կատարվեցան։
Հետո քանի մը քուրմեր հետզհետե ատենաբանեցին և անուղղակի կերպով խնդրեցին քուրմերեն, որ այս կենսական խնդրույն մեջ իրենց խղճին միայն հետևին, ի բաց նետելով, առժամանակյա կերպով անշուշտ, անձնական կիրք, ատելություն, թշնամություն և ոխակալություն...։ Այսչափ բեռն կարելի՞ է քանի մը վայրկենի մեջ պարպել։
Քուրմերն ջերմեռանդությամբ և բարեպաշտությամբ ունկընդրին ատենաբանությանց՝ որոնցմե հուզվիլ իսկ կեղծեցին ոմանք։
Երկու կուսակցությանց արբանյակներն ազգին շահերը պաշտպանելու համար մերթ ընդ մերթ կը խանգարեին ժողովոց կանոնավորությունն։
Հուսկ ուրեմն կատարվեցավ քվեարկությունն։
Մարդն եկավ արդյունքն կարդալու, և հազիվ թե ամենա... եռավանկն լսվեցավ, մեկ կուսակցության արբանյակներն սկսան ծափահարել և պոռալ, ձայն բազմաց ձայն Աստուծո:
Երկրորդին անունն առանց ծափահարության անցավ։
Երրորդն ալ առաջևույն պես ծափահարվեցավ մյուս կուսակցության արբանյակներե և ձայն մըսավ. ահա արժանավորն:
Ողջամիտ մասն ինչպես նաև ժողովուրդն խորհրդարանական օրենքն հարգելու համար միայն չուզեց ծափահարել ո՛չ առաջինն, ո՛չ ալ երկրորդն։