— Ազգային գործերուն վրա տեղեկություն չունիմ։
— Աղջիկս, հոգնեցար, նստե՛ քիչ մը։ Մայրդ ո՞ւր է, աղջիկս։
— Եկեղեցի գնաց, հիմա կուգա։
— Շատ աղեկ. չեք խոսիր կոր, մյուսյու Երվանդ։
— Մտիկ կընեմ կոր։
— Աղջիկս, եկավ, սեղանը պատրա՞ստ է։
— Այո՛։
— Հրամմեցե՛ք, մյուսյու Երվանդ, քիչ մը բան ուտենք։
Կիջնեն.
— Տիկին, մյուսյու Երվանդը կը ճանչնա՞ք։
— Ստեփաննոս աղային տղան։
— Որչափ մեծցեր է, մաշալլահ, ի՞նչպես է Ստեփաննոս աղան, ի՞նչպես են մայրդ, քույրերդ, եղբայրներդ։
— Աղեկ են։
— Չեք ուտեր կոր, մյուսյու Երվանդ:
— Կուտեմ կոր։
— Մյուսյու Երվանդին գինի լեցուր, աղջիկս։ Տիկին, չխոսի՞ք։
— Ի՞նչ խոսիմ։
— Այս իրիկուն խոսք չենք կրնար կոր գտնել... չխոսիք, մյուսյու Երվանդ։
— Կը խոսինք կոր յա:
— Ձեր կենդանությանը կը խմեմ:
— Անուշ ըլլա։
Վեր կ՝ելնեն։ Երիտասարդը մեկ երկու ժամ ևս նստելեն հետո կը մեկնի։
ՏԵՍԱԿՑՈԻԹՅՈԻՆ ՀԻՆԳԵՐՈՐԴ
Սրճարանի մեջ
— Բարիկուն, մյուսյու Երվանդ:
— Աստծու բարին:
— Քեզի բան մը ըսե՝մ:
— Ի՞նչ կա։
— Պոլիսը փոխվեր է, առաջին Պոլիսը չէ։
— Ի՞նչ եղեր է։
Ի՞նչ պիտի ըլլա, աս առտու դեմս ելնողը ձեռքս կը սխմե կոր, կը շնորհավորե կոր զիս...