⁂
Փունջ՝ քաղաքականության վրա խորհրդածություն մը ընել ուզած ժամանակը՝ միշտ այսպես կսկսի.
— Քաղաքականության հորիզոնը ամպամած է․.. հորիզոնը մութ է, փոթորիկ կսպառնա և այլն։
Շատերը կը հարցնեն մեզ, թե Փունջը քաղաքականության վրա խոսելու սկսա՞ծ ատենք հորիզոնը կը մթննա կոր, չէ նե՝ հորիզոնին մութ եղած ժամանակը խորհրդածության կ՝սկսի կոր և բան մը չկրնար կոր տեսնել և վերջապես՝ թե ինչո՞ւ Փանջին հորիզոնը միշտ մութ է։
Պատճառը սա է, որ Փունջն երկինքը ես նստած եմ և իմ անունս գիտցողները գիտեն նաև, որ «Որդոց որոտման» եմ. հետևապես, քանի որ Փունջին գլխուն վերևը կը նստիմ, Փունջին հորիզոնը երբեք լույս տեսնելիք չունի...
⁂
— Ի՞նչ են ազգային երեսփոխանները։
— Մեյմեկ դերասան։
— Ի՞նչ կը ներկայացնեն։
— Ազգը։
— Փափազյան էֆենտին ի՞նչ դեր կը կատարե այս ներկայացման մեջ։
— Չարագործի դերը։
⁂
Քննիչ հանձնաժողովի տեղեկագիրը անցյալ շաբթու դեպի խնդրո կարգը ուղևորվեցավ։
— Խնդրոց կարգը ի՞նչ է։
— Լաբյուրինթոս՝ ուսկից ներս մտնողը դուրս չկրնար ելնել։
⁂
Կ. Պոլսո անցյալ շաբթվան փողոցներուն պատերուն վրա հետևյալ ազգը կը կարդացվեր.