⁂
— Իմացա՞ր Կիրակոս աղա։
— Ի՞նչ կա։
— Անկան մեկը Քարահիսարի մեջ զավակ մը բերեր է, որուն աչքերը կռնակին վրա է եղեր։
— Ավելի աղեկ ա՛, Ղալաթիայեն անցնելու ատենը ետևը կը տեսնա ու կառքի մը տակ չմնար։
⁂
— Մարդ Աստուծո, ի՞նչ է աս ըրածդ, ամեն գիշեր պոռալով, կանչելով տուն կը մտնաս։
— Բարի մարդ եմ ատոր համար, կնիկ, և պետք է, որ միշտ պոռամ կանչեմ։
— Ատ ի՞նչ ըսել է։
— Ի՞նչ պիտի ըլլա, չիյտե՞ս, չար մարդիկ երգ չունին:
⁂
— Շատ բան, շատ բան, ամեն օր նոր նոր բաներ կը լսենք կոր։
— Ի՞նչ լսեցիր դարձյալ։
— Լսեցի, որ կնկան մեկը չորս զավակ մեկեն ունեցեր է։
— Ի՞նչ կըլլա ատկից, իմ լուսահոգի մայրս վեց զավակ ուներ։
⁂
Անունի մը տոնախմբության գիշերը երիտասարդին մեկը քատրիլին մեջ յուր տամային ձեռքը խաղին պահանջածեն ավելի կը սխմեր։
Հրավիրյալներեն մին այս տեսնելով, երիտասարդին քովը գնաց ու ականջն ի վար ըսավ.
— Պարո՛ն, ինչո՞ւ տամայիդ ձեռքը կը սխմես կոր, չե՞ս ամչնար։
— Ինչո՞ւ պիտի ամչնամ, եթե ֆրանսերեն խոսելու վարժված եմ՝ ան ալ առանց ամչնալու ուղիղ սխալ խոսելով վարժվեցա։