Էջ:Hagop Baronian, Collected works, vol. 7 (Հակոբ Պարոնյան, Երկերի ժողովածու, հատոր 7-րդ).djvu/251

— Անանկ է նե՝ տղաս ժամավաճառությունը աղեկ սորվի նե ժամագործի մը քով կը դնեմ։

⁂

— Սիրահարներն ինչո՞ւ համար մազերնին կտրելով իրարու կուտան։

— Որովհետև սիրահարությունն ալ տեսակ մը թիֆուս ըլլալով՝ գլուխը պաղ բռնել պետք է։

⁂

— Կնիկներեն ինչո՞ւ երեսփոխան չընտրվիր։

— Որովհետև խնդրոց կարգը միշտ մոտան կըլլա։

⁂

— Անգղիան ինչո՞ւ համար Ռուսիայի նոթան չընդունեց։

— Անոր համար, որ Ռուսիայի մուզիգան Անգղիո ականջին պաղ կուգա։

⁂

— Կնիկները երբ չկրնան էրիկնին բանի մը մեջ համոզել ի՞նչ կընեն։

— Կսկսին լալ. փաստերնին օգուտ չընելուն պես, արցունքով ի գութ կը շարժեն։

⁂

— Հարուստներեն ոմանք ինչո՞ւ հայերեն լրագիր չեն կարդար։

— Հարուստ չեղող մարդոց խոսքերուն կարևորություն չտալու համար։

⁂

— Խըրըխճիներուն առուտուրը ե՞րբ դադրեցավ։

— Երբ որ օմնիպյուսները վերցան։