⁂
Աղեկ գիրք մը և աղեկ կնիկ մը շատ թերություններ կ՛ուղղեն, գեշ գիրք մը և գիշ կնիկ մը շատ սիրտեր կ՛ապականեն. մարդիկ կան, որ գիրք կամ կնիկ առած ժամանակնին մի միայն անոր կազմին կը նային, խաբված ըլլայնուն համար տրտնջալու ի՛նչ իրավունք ունին։
⁂
Տգեղությունը առաքինութենե ետք աղջկան ամենեն աղեկ պահապանն է։
⁂
Դքսին մեկը օր մը Վերսայլի մեջ հսկա հասակավ կին մը տեսնելով քովիններուն հարցուց։
— Ո՞վ է այս կնիկը։
— Գյուղացի մէ պատասխանեցին իրեն։
— Գյուղի մէ ըսեք սըվոր, ըսավ դուքսը․․.։
⁂
Ծերերը միշտ նախանձոտ են. կը նմանին այն որկրամոլ տղայոց, որք աղվոր մը կշտանալեն ետքն ալ միայն իրենց համար պահել կուզեն մինչև անգամ այն կարկանդակները՝ զորս չեն կրնար ուտել։
⁂
Սերը ծերերուն համար ձյան վրա արև մէ, ավելի կը շլացնե զանոնք, քան թե կը տաքցնե։
⁂
— Թող սիրահարը իրարու ինչ ըլլալը ճանչնալեն առաջ զիրար սիրեն, ասի հոգ չէ, կ՛ըսեր օր մը Պ. Տ.... բայց ամուսինք զիրար չսիրած պետք է որ զիրար աղեկ մը ճանչնան։
— Օն անդը, ըսավ Շանֆոր, եթե զիրար աղեկ մը ձանչնային՝ շատերը չպիտի կարգվեին։
⁂
Սերը հասարակապետական ծնած է։
