Ստեփան փաշա ասկից ավելի մեծ ծառայություն չկրնար ընել ազգին, և ապահով ըլլա, որ դիվան են հրաժարելովը՝ դիվանին մեծ օգուտ մը ըրավ։
Ի դիմաց դիվանին մեր շնորհակալությունները կհայտնենք իրեն։
— Բարեկամ, կը ճանչնա՞ս սա մարդը։
— Այո՛, կը ճանչնամ։
— Այս մարդը շատ մտածող մէ։
— Այո՛, այնչափ շատ կը մտածեի որ գործելու ժամանակ չգտնար, ինչպես որ Ստեփան փաշան ալ այնչափ շատ կը գործե, որ մտածելու ժամանակ չունի։
⁂
Տատյան վսեմափայլ Հարություն պեյին խաղաղությամբ Ընդհանուր ժողովը կառավարելեն վերջը՝ Ընդհանուր ժողովը այս վիճակին մեջ բերելը ինչի՞ կը նմանի։
— Առանց վտանգի երկար ճամբորդություն մը ընելեն ետքը նավահանգստին մեջ խեղդվելու։
⁂
Առջի օրը, մարդուն մեկը յուր տանը դռան համար կղպակ մը առնելու համար դարբինի մը խանութը կերթա, կղպակ մը զատելեն ետքը բանալի մ՝ալ տո՛ւր, կըսե։ Խանութպանը բանալի մը կուտա։
— Դուռը գոցելու համար բանալին ա՞ջ կողմը դարձնելու է, չէ նե՝ ձախ կողմը։
— Չախ կողմը։
— Չըսե՞ս, որ բանալին ալ ձախակողմյան է։
⁂
Ստեփան էֆենտի Փափազյան՝ հայ պատմագիրը ինքզինք արդարացնելու համար իր ընկերներուն կ՝ըսե եղեր թե՝
— Մի՛ վախնաք, պատմությունը զմեզ պիտի բարձրացնե։
Ես ալ կը հավատամ ասոր, եթե Ստեփան Փափազյան էֆենտին զպատմությունն նվաստացնե։