Ի դատողական յաթոռըն
Նըստի՝ ի կալն յՈւռնայի,
Եւ գաղտնիք գործոցն յայտնին
Յանկաշառ մեծ հրապարակին:
15 ՏԱՂ ՈՂԲԱԼԻ ԽԱՉԵԼՈԻԹԵԱՆՆ ԽԱՉԱՏՈԻՐ
ՎԱՐԴԱՊԵՏԻ ԿԵՉԱՌԵՑՈՅ
Ամենայփրկչին կերպին դրոշմեալ պատկերին...
Գառն ի Գողգոթայ զենեալ ի սուրբ սեղանին,
Դասքըն դողա[յ]ին վերին ինչ տէրն ի խաչին:
Երերէր երկիր ու երկինք ինչ բևեռէին,
Զէն գիսաւորին խոցէր զկող կենարարին,
էնն յէութեան ընդ հօր էր ի վերայ խաչին,
Ըմպեալ ընկալալ զլեղին, զոր փուրով տային,
Թիւնք թափել քարբից օձիցն արբմամբ քացախին,
Ժանդ Ժողով հրէից գնդին ի լահեղ պահին
Ի էլիէլին ձայնէն, սասանէր երկիր:
Լուս լուսաւորաց ծագեաց հոգոցն ի բանգին,
Խոր խաւար ծածկեաց զերկիր, ինչ բևեռէին,
Ծագեաց ճառագայթ փառաց ի մէջ գիշերին,
Կեանքն մեր կառօք ի խաչին էջ ի դժոխս ներքին,
Հան Հզօր զօրեղ բագկաւ զարգելեալսն ի նմին,
Զայն առնէր ձագուց իւրոց արծիւն ի քարին,
Ղօղեալ իշխանին մահու էնն անդընդային,
Ճշմարիտ ճմլեալ ողկոյզն ի կենսաբեր խաչին,
Մեղքն քաւեցաւ մեր հին մահուամբ միածնին,
Յիններորդ ժամուն գոչեաց աւանդեց զհոգին,
