Նըման նոր հաւուն թռացեալ, ելեալ ի յերկինս,
Շուրջ շրջապատէր Յովսէփ Արեմաթացին,
Շուրջ շրջապատէր Յովսէփ Արմեթացին,
Չորս չարեօք պնդեալ ունէր ի վերայ խաչին,
Պատեաց պատուական կտաւովն զմարմինն տէրունոյն,
Զուր ջերմի յաչացն հեղոյր մայրըն խաչելոյն,
«Ռաբի՜, ռաբի՜» գոչէին և ձայնիւ լային,
Սիրտն ճմլեցաւ կասին ընդ իւր միածնին,
Վասն իւր անդրանիկ որդոյն, մեծ թագաւորին:
Տրտմեալ իւղաբեր կանայքն ի յերեկորին,
Րամեալ ժողովեալ էին, վասն առաւոտուն:
Յնծութեամբ բարբառ լսեցին ի մէջ պարտիզին,
Ի իւծեալ սրտաբեկ կանայքն ուրախ լինէին,
Փառք տային քաղցըր ձայնիւ նոր յարուցելոյն
Քրիստոսի թագաւորին, անմահ արքային:
16 ԱՅԼ ՏԱՂ ԾՆՆԴԻ Ի ԽԱՉԱՏՈԻՐ ՎԱՐԴԱՊԵՏԷ
ԿԵՉԱՌԵՑՈՅ
Անըսկիզբն մեզ սկիզբն եղեալ, ովսաննայ,
Բանն ի հօրէ մեզ լոյս ծագեաց, օրհնեսցուք.
Գաբրիէլ փողըն գոչէր, ովսաննայ,
Դստերացն Սիոնի, օրհնեսցուք.
Ենն եկեալ փութով առ կոյսն, ովսաննայ,
Զօրապետըն հրեշտակաց օրհնեսցուք.
Էսկից հօր և հոգոյն, ովսաննայ,
Ընթացեալ ի Յորդանան, օրհնեսցուք.
