Այս էջը սրբագրված է
Մեր մեջն է միայն որ երիտասարդ մը իհարկե ստիպյալ կերթա Եվրոպա ոչ թե համալսարանական ուսման մը հետևելու, այլ արհեստագիտություն մը սորվելու։
Եվրոպայի մեջ բնական կարգն է հետամտիլ, շարունակ հետամտիլ գիտության, միշտ ավելի հեռուն, միշտ ավելի բարձր։
Դպրոցական շրջանավարտներուն ջանքը պետք է ըլլա իրենց կոչումներուն և հարմարությանը համեմատ հառաջ տանիլ իրենց ուսումը բարձրագույն վարժարաններու մեջ, ապահով ըլլալով որ ապրուստի ասպարեզ պիտի չպակսի իրենց, և չարագուշակ մարգարեությունները, սխալ ու ծուռ խորհուրդները թող չկասեցնեն, չթերացնեն երբեք զիրենք իրենց ճամփուն մեջ։