Ցերեկն ժամանեալ ’ի սուրբ աթոռս, մեծի երջանկութեան իմում առ գրեմ մատուցանել Ձեզ, ո՛ աստուածընտիր հայրապետ, նախ[1], զորդիական գրութիւն վերասաց պատգամալորացն, որով յայտնեն տէրութեանդ զկարգելոյ իմոյս նուաստութեան երեսփոխան և երկրորդ, զգործն վարեալ առ ՝ի նոցանէ, յորում, մանաւանդ ’ի վճռի պատգամաւորացն, որպէս 'ի հայելւոջ, կարճ ’ի կարճոյ երևին ամենայն մանրամասնութիւնք գործոյն, որ զեկեղեցական դրամոց։
Որպէս լիակատար երեսփոխան պատգամաւորաց[2], ակն ունիմ, եթէ գործդ այդ անկցի ընդ մանրակրկիտ քննութեամբ կամ Զերոյին վեհագունութեան, կամ որում հրամայեսցի առ ՚ի Ձէնջ։
Յիմոյս կողմանէ, որ ինչ քննչացն թուեսցի կարօտ բացայայտութեան, պատրաստ եմ պարզել և լուսափայլ կացուցանել, որպէս բերան կամ որպէս պատկեր պատգամաւորաց թէ բանիլ և թէ գրով և յամենայնի գործակից լինել առ ’ի իրաւանց ազգին մերոյ, որ ’ի Նախիջևան։
Յանձն արարեալ զիս ’ի շնորհս աղօթից վեհափառութեան Զերոյ, միայնոյ մխիթարութեան թշուառացեալ ազգիս,
մնամ աստուածարեալ տէրութեանդ
ամենախոնարհ ծառայ և որդի
յ 7 Սեպտեմբ.
1860 ամի
ի սուրբ աթոռս էջմիածին:
51. ԿԱՐԱՊԵՏ ՀԱՅՐԱՊԵՏՅԱՆԻՆ
ՄԵԾԱՊԱՏԻԻ ՀԱՅՐԵՆԱԿԻՑ,
ԱՐԳՈՅ ԿԱՐԱՊԵՏ ՄԱՐԳԱՐԵԱՆ,
՚Ի վերայ հիման յայտարարութեան Զերոյ, նորին վեհափառութիւնն սրբազնակատար կաթողիկոսն ամ<ենայն> Հայոց տէր Մատթէոս, հաճեցաւ այսօր հաստատել զթուղթ երեսփոխանոթեան իմ և արգոյ
