Վիքիդարանից՝ ազատ գրադարանից
Եւ ետ խօսից իւրաքանչին
Վայելչական հզօր բանին,
Փիլիսոփայից, ճարտասանին,
Ներգործութեամբ հոգոյն շնորհին:
Իմաստութեամբ տեառն Յիսուսին
Եւ գիտութեամբ հօր հզօրին,
Որք և զծորանս հոգոյն արբին
Յաւուր մեծի Պենդակոստին:
Աստուածաբան յՌեթէին
Կացեալ ի մէջ սուրբ հանդիսին,
Զխորհուրդս յայտնեալ զսքանչելին
Ի լուր րամից համայն խմբին:
Որք և լուանն սքանչանային,
Աստաածընկալ զնա անուանին,
Օրհնաբանող աստուածային
Յայնմ ժամու զնա կոչէին:
Որք և ապա հաստատէին
Ի պատիւ մօրն տեառն Յիսուսին.
Յաստուած բանող գերիմաստին,
Որ ներբողեաց զԱստուածածինն:
Մտեալ առաջի սրբոյ կուսին
Առհաւատչեա թողուլ մաղթին,
Զկենդանագիր սուրբ պատկերին,
Սուրբ և մաքուր իւրոյ տպին:
|
|
