Վիքիդարանից՝ ազատ գրադարանից
Սաստիկ կեղով բորոտութեան
Սպառեաց զմարմինս անեզրական:
Չար թշնամին կորըստական,
Որ ի յանդունս ունի դարան:
Տպաւորեաց հոգիս զրնականն
Գէջ ախտութեամբ անյագական,
Այլ աղաչեմ զկոյսդ մաքրական՝
Տա՛լ սպեղանիս հոգոյս դարման:
Եւ զանուղղագործ զազրական,
Որ զՍողոմ արար կործան,
Տնկեաց ի յիս գոլ բնական,
Տանջել նովիմբ անեզրական:
Փարեալ զուռիցդ անապական,
Խնդրեմ զդեղ հոգոյս խոցման՝
Կաթիլ միայն քո կուսութեան
Ինձ փրկութեան է բաւական:
Ախտից մեղաց զիս օթարան
Արար տեղի և կայարան,
Եօթնից չարեաց հոգոյ մահուան
Սպանեալ գանձինըս կրկնական:
Նոր փառութեամբ հպարտական
Եւ նախանձու հոգոյս այրման
Եւ բարկութեամբ զայրացան՝
Եղէ ես չար քան զգազան:
|
|
