Վիքիդարանից՝ ազատ գրադարանից
Գեղարդեամբն ի փորոյն եհան:
Մովսէս Քերթողն պատմէ
Եւ գովէ գնա յոյժ զանազան,
Զձև և զտիպ կերպին,
Զբախտն մեծ ընդ զօրեղութեան:
Սոյն սա անպակաս կերպիւ
Եւ ձևովն իւր արքունական,
Յաւել քան զնա ի փառս
Հաւատով սուրբ երրորդութեան:
Պերճ, հսկայաձև մարմնով
Եւ սփօքն վայելչական,
Իսկ տիպ պատկերին գեղոյ՝
Շնորհաւոր և դիւցազնական:
Կորովի աղեղնաւոր,
Քամանդար անսխալական,
Ընդ մէջ իւր ածեալ սուսեր
Զերկսայրին և զթուրն կտրան:
Զվահանն պըղընձապատ՝
Աջողակ ընդ ձախոյ կռանն,
Հարթ համակ նկարակերտ՝
Նպատակ նետից ուժգնական:
Ջլախտն յաջոյ ձեռին ունէր,
Նիշ՝ գուշակ ինքնիշխանութեան,
Յահեկէն կախեալ կռան՝
Կտցաւոր ւ ինքն զառնիշան:
Հասակն զրահաւորեալ,
Սաղաւարտ պսակ գագաթան,
Սադահքն յերկոքին կողմանց
Փքնալից ծաղկեալ զանազան:
|
|
