Վիքիդարանից՝ ազատ գրադարանից
Նաև այս գեղմ ի սուրբ գառանց,
Վայր հայրաբուղխ կրկին վտակաց,
Զովացուցիչ պասքեալ ազանց
Եւ լուացումն մաքուր մանկանց:
Այս ծաղկազարդ սուրբ գաւազան
Ի յարմատոյն բդխեալ Դաւթեան
Եւ գահ երկուցն պետութեան
Յանգեալ ի պետն տէրութեան:
Զի մինչ ի բոյսն արդարութեան
Երեք կղեալ ի խառընման,
Նախ Ահարոնն Ղևտական
Կալաւ զդուստր Ամինադաբայն:
Եւ Յովիդէ մեծ քահանայն,
Զդիւցազինըն Յովրամայն,
Իսկ Յովակիմ զարմըն Դաւթեան
ԶԱննա էառ զդուստր Մատթայն:
Զքոյր Սովիւէ և զՄարեմայն,
Ուստի բուսաւ ոստն աննման,
Յորմէ զխայրին կթեաց Ադամ,
Զամբեալ եկաց ի յաւիտեան:
Որ ի լնուլ երից ամեան
Ձայնեալ եղև տէրն յանդիման,
Բարձեալ թողաւ զերդ նէ Եսայն
Տէրն կալաւ հօրըն փոխան:
|
|
