Վիքիդարանից՝ ազատ գրադարանից
Եւ ընդ լուսոյն ձայն երկնային
Հնչեաց առ կոյսըն տիրածին:
Ասէ. «Հայցուածը քո եղիցին,
Զոր և կամիս փոյթ կատարին»:
Եւ նոյնժամայն որոտագին
Հոտ անուշից բուրեաց ուժգին
Եւ ի հոտոյն աստուածային
Թմբրեալ զմայլեաց զքիմս ամենին:
Բայց առաքեալքն, որ նստէին,
Ի շարժմանէն ոչ սոսկային,
Զի տեսութեամբ աստուածային
Վարժեալ և կիրթ գոլով էին:
Եւ յերրորդում ժամօրէին
էջ տէրն յերկնից զօրօք վերին,
Եւ Գաբրիէլ և Միքայէլ
Զօրօք կային սպասու նորին:
Եւ մինչ ուներ մայր կենսատուին
Զտիպ կիպարին յիւրում ձեռին,
Կալեալ հանդէպ աստուածորդոյն
Տէրն Յիսուսի իւր միածնին:
Եւ տէրն մեր աջ հզօրին,
Իւրով ձեռօքն աստուածային,
Տեառնագրեաց զձև պատկերին,
Օրհնեաց բանիւ հոգոյ շնորհին:
|
|
