Վիքիդարանից՝ ազատ գրադարանից
Արփիագեղ և ծովային՝
Մարգարիտ սէր իմ, մարգարիտ
Կայծ կարկեհան և դահանակ՝
Ճըշմարիտ սէր իմ, ճըշմարիտ:
Դու ամպ թեթև ըստ երգողին,
Լուսալի սէր իմ, լուսալի,
Անձրևածին և ցողահոս՝
Սքանչելի սէր իմ, սքանչելի:
Հարսն անարատ և թագուհի՝
Երկնաւոր սէր իմ, երկնաւոր.
Եւ մարմնեղէն սուրբ սերովբէ՝
Ահաւոր սէր իմ, ահաւոր:
Իմանալի սափոր ոսկի՝
Ցանկալի սէր իմ, ցանկալի.
Ի քեզ լըցեալ սուրբ մանանայն՝
Կենդանի սէր իմ, կենդանի:
Թշուառապէս կորացելոյս՝
Ողորմեա, սէր իմ, ողորմեա՛.
Իբրև ըզմայր յոյժ ողորմած՝
Ա՛յց արա, սէր իմ, ա՛յց արա:
|
|
