Թուխպ և մըշուշ շըրջապատեալ ժողովին,
Սարերն ամէն չանկակալեալ լընանին,
Քեզ ցօղ ու շաղ՝ այգուն-այգուն պատրաստին.
Բացի՜ր, բացի՜ր, իմ կարմիր վարդ աննըման,
Գնղըդ նըման արեգական վառվառման:
Անո՜ւշ-անո՜ւշ պաղուկ ջըրեըն աղբերաց,
Թևօք բարձեալ, բերեմ առ քեզ ի լերանց,
Ցանե՜մ, ցօղե՜մ քոյդ թըփերուդ եզերաց.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Գիշերն էանց, զիւր շամանդաղն եզերեաց,
Եւ արուսէակն ճառագայթեալ յառաջեաց,
Արտասուքս իմ, ա՜րդ, ծովացեալ զիս ծածկեաց.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Ի կարօտոյ՝ կեանք իմ արար աւարի,
Սըգով սիրտ իմ խարի ի խոր խաւարի,
Փափագանօք և երկիւղիւ շիւարի:
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման:
Փշուր-փըշուր մանրիկ բերքերդ ի տափի,
Տեսանելով անձն իմ ի խելաց թափի,
Կարօտով քով մաշի և միշտ տապտապի.
Բացի՜ր, բացի՜ր, իմ կարմիր վարդ աննըման,
Գեղըդ նըման արեգական վառվառման: