Էջ:The educational law, Ashot Yessayan.djvu/576

Վիքիդարանից՝ ազատ գրադարանից
Այս էջը հաստատված է

բաց լինելը:

Միասնական կրթական տարածաշրջանի հիմնական ուղղություններն են՝

  • կրթական ոլորտում սերտաճման /ինտեգրացիոն/ գործընթացների զարգացման ու աջակցման հարցերը կարգավորող օրենսդրական բազայի ստեղծման վերաբերյալ առաջարկների մշակում,
  • պետական կրթական ստանդարտների, գիտական և գիտա-դասախոսական կադրերի վերապատրաստման և որակավորման պահանջների համաձայնեցում,
  • գիտական և գիտա-դասախոսական կադրերի վերապատրաստման, կրթական հարցերով միջպետական տեղեկատվության ընդլայնում,
  • կրթական մակարդակի և որակի մոնիթորինգի տեխնոլոգիայի և համապատասխան չափանիշների մշակում:

Միասնական կրթական տարածաշրջանի ձևավորման առաջնահերթ միջոցառումներից են՝

  • կրթական ոլորտում համագործակցության միջպետական մարմնի ստեղծումը,
  • ԱՊՀ միասնական կրթական տարածաշրջանի ձևավորման միջպետական ծրագրերի նախագծի մշակումը:

Ելնելով միասնական կրթական համակարգի հիմնական նպատակներից, սկզբունքներից և ուղղություններից՝ սահմանվել են վերոնշյալ հայեցակարգի իրականացման հետևյալ փուլերը.

I. փուլ՝ միասնական կրթական համակարգի ձևավորման, օրինական և գիտա-դասախոսական կադրերի վերապատրաստման և որակավորման վերաբերյալ միջպետական ծրագրերի մշակում և ընդունում,

II. փուլ՝ միասնական կրթական համակարգի ձևավորման նպատակով կրթական ոլորտում ԱՊՀ մասնակից պետությունների ազգային օրենսդրությունների ներդաշնակեցում և համագործակցության միջպետական ու ազգային ծրագրերի իրականացմանն ուղղված ազգային համակարգող կենտրոնների ստեղծում,

III. փուլ կրթական ոլորտում սոցիալ-տնտեսական և կազմակերպչա-կառավարման մեխանիզմների համակարգի ստեղծում:

14.6.3. ԱՊՀ պետություններում գիտական աստիճանների և կոչումների, կրթության վերաբերյալ պետական նմուշի փաստաթղթերի ճանաչումն ու համարժեքությունը

Այդ փաստաթղթերի համարժեքության ներմուծման և ճանաչման համար ընդունվել է համաձայնագիր, որում ընդգրկված է հետևյալը՝

Համաձայնագիր

Բելառուսի Հանրապետության ղեկավարությունը, Ղազախստանի Հանրապետության ղեկավարությունը, Ղրղզստանի Հանրապետության ղեկավարությունը և Ռուսաստանի Դաշնության ղեկավարությունը հետագայում անվանվելով Կողմեր, ղեկավարվելով Ռուսաստանի Դաշնության, Բելառուսի Հանրապետության, Ղազախստանի Հանրապետության և Ղրղզստանի Հանրապետության միջև տնտեսական և հումանիտար ոլորտներում ինտեգրացիայի խորացման վերաբերյալ կնքված պայմանագրով,

հաշվի առնելով միասնական աշխատանքային խմբի ստեղծման, կրթության, գիտության և մշակույթի ոլորտներում քառակողմ համագործակցման զարգացմանն ուղղված կողմերի ձգտումները,

կրթության, գիտական աստիճանների և կոչումների վերաբերյալ փաստաթղթերի փոխադարձ ճանաչման, նորմերի հաստատման ձգտմամբ՝ համաձայնվեցին ներքոհիշյալի վերաբերյալ.

Հոդված 1

Սույն համաձայնագիրը տարածվում է կրթության, գիտական աստիճանների և կոչումների