Պ.ՎԵՌԼԵՆ
Աշնան երգ (էջ 298)
Առաջին անգամ տպագրվել է «Երկերի ժողովածու»—ի 4—րդ հատորում (էջ 83): Ընդ որում տպագրված են նաև 1—5—րդ փորձերը՝ տարբերակները:
Ֆրանսիական հանրաճանաչ բանաստեղծ Վեռլենի մասին Տերյանը միշտ սիրով է խոսել: «Մեղմախոս Վեռլեն»,— ասել է նա 1915—ին «Նույնն է հասցեդ հնամյա» տողով սկսվող բանաստեղծության մեջ: «Վահան Տերյանի կյանքի վերջին օրերը» հիշողություններում Անահիտ Տերյանը ասում է, որ 1919 թվականի վեջերին Օրենբուրգի ճանապարհին Տերյանը մինչև Սամարա իրեն բավական լավ է զգացել: «Անգամ նա հանեց Վեռլենը, որպեզսի թարգմանի»:(«Վահան Տերյանը ժամանակակիցների հուշերում »1964, էջ 473):
Տերյանի արխիվում պահված է Վեռլենի «Աշնան երգ»—ի թարգմանության վեց տարբերակ, որոնցից սակայն ոչ մեկի վրա պոետը կանգ չի առել, չի համարել ավարտված: Հավելյալ զորեղ փաստ ընդդեմ այն կարծիքի, թե Տերյանը սևագրություններ չի արել, «հեշտ» է ստեղծագործել:
Ե՞րբ է կատարված թարգմանությունը՝ ոչինչ հայտնի չէ: Մակինցյանը ևս, որի հաղորդածը կարող էր ամենից հավաստին լինել, ոչինչ չի ասել այդ մասին:
Տարբերակներից վեցերորդը՝ իբրև ամենից մշակվածը, դնում ենք «Թարգմանական փորձեեր»—ի մեջ, մնացած հինգը տե՛ս «Երկերի ժողովածու», 4—րդ հատոր, էջ 78—82, Նաև՝ «Երեքհատորյակ», 3—ր հատոր, էջ 587—588: Տերյանի արխիվում պահպանված է նաև մի այլ (պայմմանական ձևով ասենք «յոթերորդ փորձ») տարբերակի կիսատ ինքնագիր.
|
տակը երկու բառ՝ «անլռելի, աշնանալի» (հավանորեն հետո մեկն ու մեկը ընտրելու համար):
