Ես կաշխատեմ շուտով գալ։ Սարգիսը մինչև հիմա դեռ չի եկել, որի համար շատ ափսոսում եմ։ Նոր եկել էր Օքրոևը, ես խոստացա անցնել նրա մոտ և վերցնել, Իսկ քո իրերը դու վերցրել ես, չէ՞։
Մի անհանգստացիր։ Առհասարակ իմ մասին մի անհանգստացիր՝ ինչ էլ որ պատահի, և եթե այդտեղ ինչ-ինչ լուրեր տարածվեն, մի հավատա (ես գիտեմ, որ հիմա, ասենք ինքդ էլ լավ գիտես, լրագրերն ու մարդիկ սատանան գիտի, թե ինչ անհեթեթ լուրեր են տարածում, այնպես որ մի հավատա և համբերությամբ սպասիր իմ նամակներին), իսկ եթե որևէ պատճառով նամակներս ուշանան, նույնպես մի անհանգստացիր, նշանակում է կամ հաղորդակցություն չկա, կամ ես հնարավորություն չեմ ունեցել ժամանակին գրելու։ Այդպես էլ իմացիր և միանգամայն հանգիստ եղիր գրիր քո և Լյասկայի մասին։ Բարևիր մերոնց բոլորին։ Առողջ եղեք դու և Լյասկան. ձեզ երկուսիդ, իմ մանկիկներին, համբուրում եմ միլիոն անգամ։
Այս նամակն ուղարկում եմ Գարագաշի և Հայկունու, հետ։ Նրանք քեզ կպատմեն իմ մասին, թեև ոչ մի առանձին բան չկա։ Ինչպես տեսնում ես, ես ողջ-առողջ եմ։
197. Ս. ՏԵՐՅԱՆԻՆ
Թանկագին Լյուլյա[1]
Ստացա քո հեռագիրը։ Վաղուց աշխատում էի քեզ նամակ ուղարկել, բայց հնարավորություն չկար։ Նոր իմացա, որ վաղը այդտեղ են մեկնում Իոսիֆի (Կուսիկյանի) ծանոթները, և ահա գրում եմ քեզ, իմ խեղճ մանկիկ։ Դու շատ անիրավացի կլինեիր,
- ↑ Նամակը գրված է ռուսերեն:
