Նաիրիկը եւ Հիրիկը

Վիքիդարանից՝ ազատ գրադարանից
Հավերժության դաս Վարդան Հակոբյան, Երկեր, հատոր Դ (Նաիրիկը եւ Հիրիկը)

Վարդան Հակոբյան

Առյուծները
ՆԱԻՐԻԿԸ ԵՎ ՀԻՐԻԿԸ


Հիրիկ, հիրիկ, իմ լավ ծաղիկ,
Դաշտում ծլած իմ ծիծաղիկ,
Արի, ինձ հետ քեզ տուն տանեմ,
Թերթիկներիդ պաղ ջուր ցանեմ,
Ծաղկունքի մոտ հազարանուն
Տեղ տամ քեզ իմ ծաղկամանում,
Որ եւ փոքրիկ իմ տիկնիկը,
Որ եւ եղբայր Արայիկը
Տեսնեն ինչպես ոնց ես բացվում,
Քո մասին են միշտ հարցնում։
-Սիրուն տղա, արի ինձ տար,
Ես կբուրեմ միշտ քեզ համար,
Միայն թե դու, գիտե՞ս, տանն էլ
Պետք չէ լույսս պատուհանել։
Հավատում եմ, դե տար, ինձ տար,
Դու կլինես միշտ հոգատար։
Առանց ամպիկ ես չեմ ապրի,
Մի քիչ գարնան ամպ կլինես,
Առանց հովիկ ես չեմ ապրի,
Մի քիչ գարնան հով կլինես,
Առանց շողիկ ես չեմ ապրի,
Մի քիչ գարնան շող կլինես,
Առանց ցողիկ ես չեմ ապրի,
Մի քիչ գարնան ցող կլինես։
Իսկ ես, իսկ ես ձեր հարկի տակ
Մի ողջ գարուն կլինեմ ես։