Նամակ բանաստեղծին

Վիքիդարանից՝ ազատ գրադարանից
Նամակ բանաստեղծին

Պավլո Տիչինա

Թարգմանությունը՝ Հովհաննես Հովհաննիսյանի


Նամակ բանաստեղծին


Կոմունիստ աղջիկ եմ — շորըս «ուրիշ»,
Ու մազերս էլ խուզած։ —
Չե՞ք ամաչում, որ այս օրերում
Երգում եք դուք գեղ ու արև։

Գրում եմ ձեզ — սիրտս այսպես ուզեց։
Ասացեք ինձ,
Ո՞ւմն են պետք արդյոք ձեր այս հիվանդ
Ստանսն ու սոնետ գարնան մասին։

Ժողովրդի՞ն թե՞ քաղցածներին —
Ողորմելի է իմ աչքում
Նա, որ պրոլետարիատին
Տրիոլետ է հրամցնում։

Մնաք բարով առայժմ։ Հավան չեք՝
Պատառեցեք այս նամակ.
Բայց էլի,— լռո՞ւմ եք,— ուժ եք դուք
Եվ կոմունիստ շուտ կդառնաք։