Նոր տարի (Նեկրասով)
Թարգմանությունը՝ Հովհաննես Հովհաննիսյանի
Նոր տարի
Մաշվում է իմ կյանք, հալվում ամեց-ամ.
Տըկար է միտքըս, սառչում է արյուն…
Ես, մա՛յր — հայրենիք, կիջնեմ գերեզման՝
Չըտեսած քա՜ղցր քո ազատություն։
Բայց ես կուզեի — գեթ իմ օրհասին
Դու ոտ կոխեիր հաստատ ճանապարհ,
Տանջանքից հետո դու քո առաջին
Տեսնեիր բացված քո օրը պայծառ։
Կուզեի գե՛թ այժմ հասցներ քամին
Հայրենի գյուղից մի ձայնիկ միայն,
Որ ինձ չըբերեր նոր բոթ ցավագին
Դառն արտասուքի, ծովացած արյան…
Թարգմանության տարի՝ 1882