Շողոմը

Վիքիդարանից՝ ազատ գրադարանից
Jump to navigation Jump to search
Մաթոն ծովափին Վարդան Հակոբյան, Երկեր, հատոր Դ՝ Շողոմը

Վարդան Հակոբյան

Շունը
ՇՈՂՈՄԸ

Այնպես քաղցր, այնպես լուռ է,
Հո ժպիտ չէ շուրթին, հուր է.
Հազար արժե մի կես խոսքը,
Իսկ ժպիտը մի... համբույր է։

Այնպես մեղսոտ, այնպես լուռ է,
Հո ժպիտ չէ դեմքին, թուր է.
Բարեւների գինը հարցրեք,
Ժպիտների առեւտուր է։

Այնպես ծուռ-մուռ, այնպես լուռ է,
Հո ժպիտ չէ սրտում, ջուր է...
Մի օր կանգնեց հայելու դեմ.
-Այս հայելին,- ասաց,- ծուռ է։