Պատգամ որդուս

Վիքիդարանից՝ ազատ գրադարանից
Jump to navigation Jump to search
Զրույց Պ․ Սևակի դիմանկարի հետ Պատգամ որդուս

Արիս Արսենի

Տրիոլետներ՝ պարետային ժամի շրջանակներում
              Սամվելիս

...Իսկ քո ծննդյան վայրկյանին, տղա՛ս,
Մորդ սիրտն է լոկ խինդից վեր թռել,
Ուստի՝ պարտք ես դու ողջ կյանքում նրան,
Որ քեզ ապրելու խի՛նդ է պարգևել։

Եվ ինչ էլ լինի՝ երբեք չթողնես,
Որ արցունքոտվեն մորդ աչքերը,
Իմ փորձով եմ քեզ պատգամում, տղա՛ս,
Ծա՜նր են, հավատա՛, մոր արցունքները...

13.02.93, Ստեփանակերտ