ՏՏՀ/Արծնաներկեր
ԱՐԾՆԱՆԵՐԿԵՐ, արծն, թողարկվում են օգտագործման համար պատրաստի վիճակում։ Արծնաթաղանթը հարթ է, փայլուն, ամուր, ջրա- և ջերմակայուն։ Ընդհանուր օգտագործման Ա. լինում է ձիթալաքի, գլիֆտալային լաքի, ձիթաֆենոլային լաքի հիմքով։
Ա-ի ծախսը կազմում է (գրամներով 1 մ2 հաշվով). սպիտակինը՝ 130, փղոսկրագայնինը՝ 170, դեղինինը՝ 165, շագանակագույնինը՝ 80, կարմրինը՝ 130, մոխրագույնինը՝ 70, սևինը՝ 65։
Ձիթալաքի հիմքով Ա-ից բացի լայն տարածում է գտել նիտրաարծնը (նիտրալաքի հիմքով), որի հիմնական առավելությունը արագ (15-30 րոպեում) չորանալու հատկությունն է։ Արծնը քսում են վրձնով կամ ներկացրիչով։ Մետաղի մակերևույթը նախապես ներկաստառում են։ Ա. լուծիչով չափից ավելի նոսրացնելու դեպքում թաղանթի փայլը կորչում է։ Խորհուրդ է տրվում չորանալուց հետո արծնապատ մակերևույթը փայլեցնել հատուկ մածուկով։