ՏՏՀ/Բողկ տարեկան (աճեցումը)
ԲՈՂԿ տարեկան (աճեցումը), լավագույն վաղահաս սորտը Օդեսականն է, իսկ ուշահաս և ձմեռային պահպանման համար՝ Ձմեռային կլոր սպիտակը և Ձմեռային կլոր սևը։ Հունիս-հուլիս ամիսներին տարեկան Բ. ցանում են ՀՀ-ում (Արարատյան դաշտում հուլիսին) երկշարք ժապավեններով 30 սմ միջշարային և 40 սմ միջժապավենային հեռավորությամբ։ Հողը պետք է նախապատրաստել, ինչպես ամսաբողկի համար։ Շարքերում նոսրացումից հետո հարկավոր է միջշարային հեռավորությունը թողնել 10-20 սմ։ Բ-ին առանձին հողամաս պետք չէ հատկացնել, այն կարելի է ցանել նաև բնացան վարունգի ցանքերում՝ միմյանցից 40 սմ հեռավորության փոսիկներում։