ՏՏՀ/Կարասեղներ

ԿԱՐԱՍԵՂՆԵՐ, լինում են ձեռքի և մեքենայի։ Տարբերում են ձեռքի ասեղների հետևյալ տեսակները. ձեռքի Կ. (12 համարի՝ տարբեր երկարության և տրամագծի), փոկային (3 համարի՝ գոտի կտրելու և կոշիկ նորոգելու), առագաստային (2 համարի՝ պարուսին և հաստ գործվածքներ կտրելու), պարկային (2 համարի), լցակարի (3 համարի) և ասեղնագործական (0-2 համարի):

Ձեռքի և մեքենայի ասեղների ընտրությունն ըստ գործվածքի

Գործվածքի տեսակը	Բամբակե թելի համարը	Ձեռքի ասեղի համարը	Մեքենայի ասեղի համարը
Նուրբ գործվածքներ (բատիստ, շիֆոն, կրեպդեշին ևն)	100-80	1	75
Սպիտակեղենի և զգեստի թեթև գործվածքներ (քաթան, բյազ, քիմիական մանրաթելերից, շտապելային և այլ գործվածքներ	80-60	2,3	90
Բրդե թեթև, քիմիական մանրաթելերից ծանր և այլ գործվածքներ	60-40	4,5,6,7	100
Բրդե ծանր գործվածքներ	40-30	8,9,10	110
Կոպիտ մահուդ, բոբրիկ, պարկագործվածք ևն	30-10	11,12	120

Մեքենայի ասեղները տարբերվում են հաստությամբ և դրան համապատասխան ունեն տարբեր համարներ։ Կ. պետք է լինեն ուղիղ (անգամ քիչ ծռված ասեղի դեպքում թակալակարը ծռվում է), փայլուն ողորկ մակերևույթով և սուր ծայրով։ Օգտագործելուց առաջ Կ. խորհուրդ է տրվում մաքրել բաց գույնի չոր լաթով։ Մեքենայի ասեղները պետք է պահել չոր տեղում։

Մեքենայի և ձեռքի Կ. հեշտ թելելու համար թողարկվում են հատուկ թելանցկացիչներ։