ՏՏՀ/Տոստեր
ՏՈՍՏԵՐ, հացբովիչ, բովահաց պատրաստելու էլեկտրական սարք։ Բովահացի համար օգտագործում են փոքր-ինչ չորացած կտրտած հաց։ Տ-ները լինում են մեկ բաժանմունքով կիսաավտոմատ երկկողմանի տաքացմամբ։ Տ-ի պլաստմասսայե հիմքի վրա տեղադրվում է միացման մեխանիզմը։ Տ. ունի նաև լարային էլեկտրատաքացիչ տարրերով 2 խցիկ։ Հացը դնում են ցանցի (սայլակի) վրա, որը հատուկ լծակով բերվում է աշխատանքային դիրքի։ Սայլակը տեղափոխելիս տաքացիչները միանում են։ Տրված պահին ավտոմատ հարմարանքն անջատում է Տ. ցանցից, և հացով սայլակը վերադառնում է ելման դրություն։ Տ. կարելի է անջատել նաև ձեռքով, միացման տևողությունը կարելի է կարգավորել։ Տ. ունի ջերմասահմանափակիչ։ Սպառվող հզորությունը 800 Վտ է, զանգվածը՝ 2 կգ, չափերը (մմ-ով)՝ 330x145x60։