1901-ի տարեմուտին

Վիքիդարանից՝ ազատ գրադարանից
Հանելուկ 1901-ի տարեմուտին

հեղինակ՝ Հովհաննես Թումանյան

Ազնիվ տիկնայք, ջահել հյուրեր
Աղբյուր. ԵԼԺ հ1, էջ 387,
ծ. ― էջ 662



1901-ի ՏԱՐԵՄՈՒՏԻՆ


Խոսքս, տեսաք, որ կատարվեց...
Բայց թե ձեզնից ո՞րը տարվեց,
Այդտեղ արդեն գործ չունեմ ես,
Էն մոցիքուլ տերտերի պես,

Որ ինչ անի,
Միշտ մեղ չունի...
Ինձ հանգ էր պետք, իսկ ձեզ՝ փեսա.
Ես ի՞նչ գիտեմ խելոք է սա.
Հանգում բերեց խեղճ պոետը,

Ինքն էլ իսկույն եկավ հետը...
            Այլ է հանգը,
            Այլ է կյանքը,
Ինչ որ հանկարծ հանգում կըգա
Մեկ էլ տեսար՝ կյանքում չըկա,

Բայց և ինչ որ գտնեք կյանքում
Չեք պատահիլ ոչ մի հանգում—
Եվ թող ամեն դարդ ու ցավիդ
Հանգն ու վերջը լինի Դավիթ։


1901