1
Ոլոռն, ոլոռն մարգարտաշար հիւսեալ են հիւսեալ յաջ և ահեակ,
Թելից մանրից ոսկիապատ՝ գեղ գեղազարդուն ո՛չ գոյ յատակ
Շող շողենի վառ ծալ ի ծալ յոյժ խտղտագոյն վարսիցն, հուսակ
Ոչ ի յասպիս ոչ ի գեհոն յականս աննման չիք օրինակ։
Հոգւոյս կարօտ ելցէ առ ձեզ,
Զվարդ սիրոյդ ածեալ առ մեզ,
Զարթիր տիրամայր ընդէ՞ր ննջես,
Ընկալ զայս ձիր զօր ձօնեմ քեզ։
Վարսիցն են այս ձուլից հրաշից ծաւալեալ յիս տիպ և տեսակ 10
Ձօնիցն կամար խարտեաշագեղ գիծ պճնազարգեալ այս շրջանակ
Այտուցն հանդէս թերթատարած անհանգունատիպ չքնաղորակ,
Ո՛չ ի յերկինս ոչ ի յերկրի բաղձալւոյս իմոյ ոչ գոյ քանակ։
Հիւրընկալու այս տաղաւար Աբրահամեան ամուր պատուար,
Փութա ճեպեա՛ տատրակդ արդար ի շնորհ քո ինձ պճնել պայծառ.
Շրթանցն երկթերթ խայծ նռնաձև յինքեան պտկաբաց սրտածալեալ,
Կարմրատարազ կարմրաստեղուն ի կերա կոփուածոյ յարտաձգեալ,
Ակունք վաճառաց հրապոյրք աչացն որում բնաւ չէ ոք նմանեալ,
Շուք գունագեղ ձեր հրաշագեղ անտես տեսարան վարսաւորեալ,